Directamente vinculado á historia musical de Galicia do derradeiro século, XISTRA DE CORUXO aparece no panorama artístico en 1.988 coma unha agrupación que pretende estudiar, divulgar e actualizar as melodías que noutrora formaron parte dos divertimentos e sentimentos das xentes do Sur galego.

   XISTRA DE CORUXO ven de ser catalogado coma o grupo que mellor trata a evolución musical dentro dos parámetros marcados no eido da tradición galega e o que aporta máis novidades de repertorio; debido fundamentalmente ó seu abondoso arquivo de grabacións de campo realizadas nos derradeiros dezasete anos por Xerardo F. Santomé. O "producto-xistra" é de marcado matiz bailable; o que fai dos seus directos unha verdadeira incitación á troula e ó disfrute dos máis de 20 ritmos diferentes executados cos 25 instrumentos empregados polos 6 compoñentes do grupo.

   Na actualidade os 7 compoñentes de XISTRA DE CORUXO están moi vencellados a diferentes grupos e escolas de música, canto e baile tradicional da parte sur da provincia de Pontevedra: ó Etnográfico "A Buxaina", ó Centro Cultural de Coruxo, á A. F. "Corisco" e á A. VV. de Sárdoma en Vigo; a "Charaviscas" de Moaña; Atios - Porriño; Arantei - Salvaterra; Rebordáns - Tui; Donas - Gondomar; ... entre outros.